Biden: Irani nuk dëshiron luftë me ne

Joe Biden ka komentuar personalisht për herë të parë operacionin gjatë natës kundër Houthive të Jemenit.

Duke folur gjatë një udhëtimi në Pensilvani, presidenti amerikan beson se nuk ka “viktima civile” nga sulmet dhe se kjo ishte një nga arsyet pse ato ishin “të suksesshme”.

I pyetur nëse SHBA-ja ishte në një luftë me Iranin – i cili mbështet grupin Houthi – udhëheqësi amerikan u përgjigj “jo”, por shtoi se “iranianët nuk dëshirojnë luftë me ne”.

Nëse ai ishte i gatshëm t’i quante Houthit një grup terrorist, ai tha se “unë mendoj se ata janë”.

Lexo po ashtu Dyshohet se amerikanët i kishin informuar paraprakisht për sulmet Houthit

Ndërkohë, Burime të informuara i thanë Sky News Arabia se Shtetet e Bashkuara kishin informuar Houthit përpara se të kryenin sulme ajrore në pozicionet e tyre në Jemen.

Aeroplanët luftarakë, anijet dhe nëndetëset amerikane dhe britanike kryen sulme në të gjithë Jemenin gjatë natës në përgjigje të bllokadës së Houthive në Detin e Kuq.

Burimet thanë se Houthit ishin të informuar për sulmet, gjë që është një tregues i qartë i synimit të Shteteve të Bashkuara të Amerikës për të minimizuar dëmet dhe për të mos nisur një reagim që do të përkeqësonte përshkallëzimin në Detin e Kuq.

Ndryshe, një zëdhënës ushtarak i Houthive tha se 73 sulmet rezultuan në vdekjen e pesë luftëtarëve të tyre dhe plagosjen e gjashtë të tjerëve. /Telegrafi/