Sulmuesi francez, Karim Benzema thuhet se tashmë ka vendosur lapsin mbi letër në një kontratë të re me Real Madridin.
Los Blancos nuk kanë qenë të zënë në tregun e transferimeve këtë verë – të paktën jo akoma – duke sjellë vetëm David Alaban falas dhe duke i bashkuar paratë e tyre për nënshkrimin e mundshëm të Kylian Mbappe.
Por, ata kanë bërë tashmë një nga nënshkrimet më të ‘mëdha’ të verës duke rënë dakord për një zgjatje të kontratës së Benzemas edhe për një vit tjetër.
Sipas gazetarit të njohur Fabrizio Romano, Benzema e ka zgjatur marrëveshjen e tij deri në vitin 2023 dhe po flitet për një klauzolë lirimi prej 1 miliard eurosh që do të futet në marrëveshje.
Sipas italianit Romano, kontrata është nënshkruar, dokumentet janë përfunduar dhe marrëveshja e re do të konfirmohet sot (e premte) gjatë ditës.
Benzema ka qenë me Real Madridin për gjithsej 12 vjet, duke shënuar 194 gola në 384 paraqitje në La Liga.
Sezoni i kaluar ishte sezoni i tij më i mirë i shënimit të golave me 30 gola në të gjitha garat, dhe ai tashmë ka dy gola këtë sezon. /Telegrafi/
Contract signed. Karim Benzema extends his agreement with Real Madrid until June 2023 – paperworks completed, official announcement in place after Courtois and Carvajal. ⚪️ #RealMadrid
…and it started like this, July 2009 @ Bernabéu. 4433 days ago. 👇🏻🇫🇷🇪🇸 pic.twitter.com/Ufscfi3bCr
— Fabrizio Romano (@FabrizioRomano) August 20, 2021