Aktori hollivudian, Ben Stiller, e ka vizituar të dielën Ukrainën e shkatërruar nga lufta dhe takoi disa familje që u detyruan të largoheshin nga ky vend.
56-vjeçari vizitoi kryesisht refugjatët ukrainas në Poloni si ambasador i vullnetit të mirë në UNHCR, ndërsa më pas është parë edhe në Lviv në mesin e një grupi të vogël njerëzish.
Qyteti në Ukrainën perëndimore u sulmua nga forcat ruse gjatë agresionit që po zgjat me muaj, por mbeti relativisht i paprekur në krahasim me sulmet e ashpra në lindje të vendit.
Hollywood actor @BenStiller, UN Goodwill ambassador, was spotted in #Lviv.
He spent some time with Ukrainian refugees at the Polish-Ukrainian border as well.
Thank you, friend 🇺🇦 pic.twitter.com/I2I6KBFKun— Anton Gerashchenko (@Gerashchenko_en) June 19, 2022
Për vizitën e Stiller ka folur edhe Anton Gerashchenko, këshilltar i ministrit të brendshëm të Ukrainës, duke shpërndarë fotografi të aktorit.
“Faleminderit mik”, ka shkruar mes tjerash ai në përshkrimin e fotografive në Twitter.
Edhe vet Stiller ndau në rrjetet e tij sociale fotografi të takimit me familjet jeta e të cilave u shkatërrua nga lufta dhe dhuna në Ukrainë.
“Miliona janë detyruar të ikin nga shtëpitë e tyre dhe më shumë se 90 për qind e tyre janë gra dhe fëmijë”, shkroi aktori në një postim.
"You're my hero," @BenStiller tells @ZelenskyyUa during their meeting in Kyiv.
📽️ Volodymyr Zelenskyy pic.twitter.com/QYZFOfebqz
— UkraineWorld (@ukraine_world) June 20, 2022
“Unë jam këtu për të mësuar, për të ndarë histori që ilustrojnë ndikimin e luftës te njerëzit dhe për të rritur thirrjen për solidaritet. Të gjithë kanë të drejtën e sigurisë. Kushdo. Kudo. Në çdo kohë”, ka shtuar ai. /Telegrafi/