Presidentja e Kosovës, Vjosa Osmani në 16 vjetorin e pavarësisë ka pranuar telegram urimi nga homologu i Shqipërisë, Bajram Begaj.
Në letrën e tij, Begaj ka thënë se Kosova është jo vetëm realitet i pakundërshtueshëm, por edhe shembull se si shqiptarët janë kontribuues aktivë për paqen dhe sigurinë në rajon e më gjerë.
“Shqipëria do të jetë gjithmonë krah Kosovës, në çdo hap të saj për përballimin e çdo kërcënimi si dhe për anëtarësimet e reja në organizata ndërkombëtare”, ka shkruar presidenti shqiptar.
“Me urimet më të ngrohta e të përzemërta për zhvillimin dhe përparimin e Kosovës e të qytetarëve të saj, ju lutem pranoni, Zonja Presidente, shprehjen e konsideratës sime më të lartë”, ka vijuar ai. /Telegrafi/