Ishte parashikuar që në momentin që ka zbarkuar në vitin 2007 në SHBA, se Hollywood-i do të jetë destinacioni i tij i ardhshëm, por tek tani ai ka gjetur angazhim si aktor në një film.
Edhe pse në fillim David Beckham ka provuar të bëjë pak rezistencë, duke mos hequr dorë nga këpucët me taka, që në ato kohë i përdorte akoma, pasi i ka dhënë lamtumirë futbollit në 2013-ën, nuk ka pasur më justifikime, tranmseton Telegrafi.
Beckham, në fakt, do të ketë një rol (“kam 13 batuta, por jam stërvitur shumë”, ka thënë vetë ai) në filmin “Knight’s of the Roundtable: King Arthur”, vepra e fundit e regjisorit britanik. “Jam i vetëdijshëm se shumë sportistë që kanë zgjedhur aktrimin në fund të karrierës së tyre kanë dështuar”, ka pranuar ish-futbollisti për “Times”.
“Bëhet fjalë për një profesion të vështirë, që kërkon aftësi dhe disiplinë, për këtë arsye nuk dua të nxitohem, por t’i ngjis shkallët me radhë, edhe pse jam përgatitur që tani për kritikat të cilat do të jenë të pashmangshme”. Për ta ndihmuar në këtë aventurë të re duket se ka menduar një tjetër mik i famshëm, ose më saktë Tom Cruise. /Telegrafi/