Ylli argjentinas i Barcelonës, Lionel Messi ka përfunduar në radarin e klubit të ri amerikan, Inter Miami, i cili është nën pronësi të legjendës David Beckham.
Messi ka kaluar vitet e 30-ta dhe shumë shpejt mund të vendos për të ndërruar ambient, larg nga Camp Nou.
Njëri nga kampionatet më joshëse në vitet e fundit para pensionimit sigurisht që do të ishte ai amerikan, Mayor League Soccer (MLS).
Edhe ofertat nga MLS-ja nuk është se mungojnë në drejtim të yllit argjentinas.
David Beckham wants to sign Lionel Messi for Inter Miami in 2020, according to @JNorthcroft pic.twitter.com/oQImHtTz71
— B/R Football (@brfootball) September 16, 2018
Sipas mediumit britanik Daily Mail, Beckham e ka shënjestruar Messin si një nënshkrim potencial te klubi i tij, Inter Miami.
Klubi i ish-yllit të Manchester Unitedit dhe Real Madridit do të hyjë në MLS në vitin 2020.
Kështu, ata po shohin një emër të madh për nënshkrimin e tyre të parë, në sezonin e parë në MLS.
Edhe pse nuk është bërë asnjë kontakt deri më tani, ata janë të gatshëm të bëjnë një ofertë të madhe për të sjellë Messin nga Barcelona në Shtetet e Bashkuara. /Telegrafi/
