Bebe Rexha ka sjellë një pjesë nga prapaskena, gjatë përgatitjeve para performancave skenike.
Këngëtarja e famshme shqiptare gjithmonë kujdeset që të duket bukur para daljes në skenë, prandaj rreth saj angazhohet një staf i madh.
Për më shumë, 28-vjeçarja dukjen e saj ia ka besuar një shqiptari – grimerit dhe stilistit të njohur, Mario Dedivanovic.
Në një video të publikuar në Instagram, shihen të gjithë njerëzit që merren me rregullimin e saj.
Aty është edhe Mario, me të cilin Rexha ka bërë edhe një pozë para fotografëve.
“Kështu duket në të vërtetë prapaskena”, ka shkruar këngëtarja në përshkrimin e videos.
Ndryshe, “Meant to Be” është një prej projekteve më të fundit të Bebes që e ka realizuar në bashkëpunim me Florida Georgia Line.
Videoklipi i kësaj kënge është publikuar në fund të tetorit të vitit të kaluar dhe është shikuar mbi 354 milionë herë në YouTube. /Telegrafi/
![Bebe Rexha - Meant to Be (feat. Florida Georgia Line) [Official Music Video]](https://i.ytimg.com/vi/zDo0H8Fm7d0/hqdefault.jpg)