Shqiptarja e famshme, Bebe Rexha, ka bërë një interpretim të mrekullueshëm të “America the Beautiful”, brenda ringut gjatë mbrëmjes së parë të WrestleMania.
Kantautorja e mirënjohur ishte e ftuar në “Night 1” të WrestleMania për të interpretuar këngën patriotike amerikane.
Veç performancës së pëlqyer, 31-vjeçarja ka kaluar çaste shumë të mira edhe në prapaskenë, ku është takuar me yje të shumta të WWE.
Porse ka spikatur takimi i saj me legjendën, njëherësh pjesëtar i ‘WWE Hall of Fame’, Hulk Hogan.
Bebe i ka shpërndarë disa fotografi dhe videon e performancës së saj në rrjetet sociale, si edhe një xhirim nga takimi i saj me kampionin e pesëfishtë të WWE, me të cilin ndau një përqafim. /Telegrafi/