Këngëtarja shqiptare me famë botërore, Bebe Rexha, po vazhdon të mbetet tejet aktive në muzikë.
Ajo këtë vit solli në treg një album të vetë-titulluar, “Bebe”, teksa përfundoi edhe dy turne, një në Evropë e tjetri në ShBA.
E duket se krahas gjithë këtyre angazhimeve, Rexha nuk po ndalet së punuari.
Kjo pasi ajo ka paralajmëruar se të martën do të publikojë klipin e saj më të ri, “One In A Million” – këngë e cila është publikuar muajin e kaluar.
Në një video të shkurtër të hedhur në Instagram, 34-vjeçarja shfaqi pak sekuenca të klipit të ri, i cili ngha pamjet e para duket të jetë me disa skena mjaft provokuese.
“Klipi i këngës ‘One In A Million’ me David Guettan vjen së shpejti. Faleminderit që i keni dhënë ‘One In A Million” kaq shumë dashuri”, shkroi artistja me origjinë shqiptare në mbishkrimin e videos.
Bebe Rexha përndryshe pas përfundimit të turneut “Best F*n Night Of My Life” në Evropë dhe ShBA, po përgatiet që të njëjtin ta vazhdojë në kontinentin aziatik dhe atë australian. /Telegrafi/
