Artistja shqiptare me famë botërore, Bebe Rexha, ka paralajmëruar se së shpejti do të sjellë bashkëpunimin më të ri me The Chainsmokers.
Më 31 maj është data e lansimit të kësaj kënge, e cila po pritet me padurim nga fansat e të dy palëve.
Bebe Rexha ndërkohë vazhdon të jetë shumë aktive dhe e ndjekur nga fansat në rrjetet sociale, duke ndarë çdo ditë me ta imazhe të ndryshme nga përditshmëria.
Së fundmi, artistja publikoi në InstaStory një fotografi ku shfaqej në spital, e veshur me rroba spitali.
“Jam mirë, faleminderit Zotit”, ka shkruar Rexha përbri fotografisë, duke mos dashur të zbulojë se çfarë ka ndodhur.
Ajo nuk ka bërë të ditur nëse ka pasur ndonjë problem shëndetësor, apo paraqitja e saj me këto rroba është ndonjë skenë e klipit të ri.
Sido që të jetë, fansat duken të qetësuar dhe të lumtur për këngëtaren, përderisa ajo iu thotë se është në gjendje të mirë. /Telegrafi/
