Policia e Qarkut të Venturas raportoi të dielën se u gjet një trup në liqenin Piru, në Kaliforni.
Mjekësia ligjore vërtetoi se trupi në fjalë është i aktores së ndjerë, Naya Rivera, e cila rezultonte e zhdukur në këtë liqen prej të mërkurës.
Aktorja e cila ishte një nga yjet e serialit “Glee”, u raportua e vdekur në orët e para të së hënës, teksa ngushëllime për humbjen e saj kanë shprehur yje të shumtë, emra të njohur të Holywoodit.
Njëra ndër to është edhe këngëtarja shqiptare me famë ndërkombëtare, Bebe Rexha, e cila që nga dita e zhdukjes, ka shprehur lutjet e saj në rrjetet sociale për gjetjen sa më të shpejtë të aktores tashmë të ndjerë.
Pas marrjes së lajmit për konfirmimin e trupit, Bebe Rexha, duket se ka ngelur e shokuar nga kjo ngjarje, teksa nuk ka hezituar t’i bëjë një dedikim në rrjetin social Twitter.
This is an absolute nightmare. I had the pleasure of having dinner with her once after a recording session we did together and she was an absolute sweetheart. My heart goes out to her family and friends. I hope I’m lucky enough to meet you up in heaven. Rest In Peace Naya Rivera
— Bebe Rexha (@BebeRexha) July 13, 2020
“Ky është një makth absolut. Kisha kënaqësinë të haja darkë me të një herë pas një seance regjistrimi që ne bëmë së bashku dhe ajo ishte një dashamirëse absolute. Zemra ime shkon pranë familjes dhe miqve të saj. Shpresoj të jem mjaftueshëm me fat që të takoj në parajsë. Pusho në paqe Naya Rivera”, ka shkruar 30-vjeçarja në Twitter.
Artistja Rexha u lajmëruar edhe në Instagram, duke publikuar në InstaStory një imazh të Riveras me djalin e saj katër vjeçar, i cili për fat të mirë ka shpëtuar, pasi edhe ai ndodhej atë ditë në varkë me nënën e tij në liqen.
“Zemërthyer, pusho në paqe”, ka shkruar Bleta (emri i vërtetë këngëtares), në mbishkrimin e fotografisë trishtuese të ndarë me 10.3 milionë ndjekësit e saj në Instagram. /Telegrafi/
