Këngëtarja shqiptare, Beatrix Ramosaj ka qenë ndër emrat më të komentuar në media rozë muajve të fundit.
Pjesëmarrja e saj në Big Brother VIP e ktheu në qendër të vëmendjes dhe ajo gjatë kësaj kohe ka mbetur aktive me projekte muzikore dhe me praninë e saj në rrjete sociale.
Veçanërisht në llogarinë e saj të Instagramit, Beatrix sjell për fansat imazhe të ndryshme në të cilat çdo herë paraqitet atraktive dhe e veshur me shumë shije.
Edhe së fundmi, Beatrix u shfaq atraktive dhe e kuruar deri në detaje, teksa pozoi në disa fotografi ku shihej e veshur me një bluzë të bardhë që koordinohej me çizmet dhe pallton me të njëjtën ngjyrë.
Për të thyer nuancat e veshjes, Beatrix veshi në mini-fund lëkure me ngjyrë të portokalltë ndërsa nuk la anash një makijazh të theksuar në fytyrë.
“Krejt toksinat Ramosaj ty t’i shënron”, ka shkruar Beatrix në mbishkrimin e fotografive ndërsa dukej tërë shkëlqim.
Ndërkohë, theksojmë që kënga e fundit e lansuar nga Beatrix mban titullin “Vonë” teksa ajo po punon në projekte të reja. /Telegrafi/