Mediumi i madh britanik BBC ka bërë një gabim të madh në transferimin e tyre mbi historinë e Luis Rubiales, i cili u pezullua nga FIFA pas skandalin me futbollisten spanjolle, Jenni Hermoso.
Ndihmës trajneri i Kombëtares së Shqipërisë, Pablo Zabaleta, ish-fitues i Ligës Premier me Manchester Cityn, mund të jetë zgjuar me diçka interesante.
Kjo për shkak se BBC përdori gabimisht pamjet e Zabaleta në një histori për presidentin e diskutueshëm të Federatës Spanjolle të Futbollit, Luis Rubiales.
Teksa BBC shfaqi të gjitha klipet e njohura të Rubiales duke puthur futbollistet femra dhe duke u rrëmbyer, një video me Zabaletës u shfaq në vend të tij.
Argjentinasi mund të jetë i ngjashëm në pamje të jashtë me Rubiales, por një mediumi kaq të njohur nuk i falet ky gabim.
“E dashur BBCNews, ju keni shtuar gabimisht pamjet e ish-mbrojtësit të Man City, Pablo Zabaleta në artikullin tuaj për Rubiales sonte. Duhet të bëni një korrigjim menjëherë”, ka shkruar përdoruesi i platformës X.
Ndryshe, ish-ylli argjentinas është ndihmës i brazilianit Sylvinho te Shqipëria. /Telegrafi/
Dear @BBCNews you have mistakenly added footage of ex Man City full back Pablo Zabaleta in your piece about Rubiales tonight. You need to make a correction immediately. pic.twitter.com/U3A4g1rGp9
— Omid Djalili (@omid9) August 28, 2023