Bayerni pret ofertë për Thiagon në ditët e ardhshme

Thiago Alcantara pritet të largohet nga Bayern Munichu këtë verë, ndërsa shefi ekzekutiv, Karl-Heinz Rummenigge, pret oferta në ditët në vijim.

Liverpooli është lidhur me transferimin e spanjollit, mirëpo bavarezët akoma nuk kanë marrë ofertë konkrete nga kampioni i Anglisë.

Mirëpo, në një intervistë për Welt am Sonntag, Rummenigge është pyetur lidhur me situatën e mesfushorit dhe ka pranuar se do të largohet.

“Duket sikur ai do të na lë. Ka qenë e rëndësishme për të që të dëshmonte se mund të luajë në ndeshje të mëdha”.

Lexo po ashtu Liverpooli me ultimatum për Alcantaran - klube të tjera evropiane bëjnë presion mbi The Reds

“Kur është fjala për atë (largimin), është një përfundim që dhemb paksa. Pres një ofertë për të në ditët e ardhshme”, ka thënë shefi i Bayernit. /Telegrafi/