Inter dhe Milan do të përballen në derbin e javës së 24-të në Serie A.
Dy skuadrat nga qyteti i Milanos këtë edicion po luftojnë për titullin e kampionit dhe takimi i së shtunës pritet të jetë spektakolar.
Mbrojtësi i Interit, Alessandro Bastoni ka folur para kësaj sfide, duke thënë se është vendimtare dhe se shpreson që Hakan Calhanoglu të bëjë të njëjtën gjë si në ndeshjen e parë duke shënuar.
“Është një emocion i papërshkrueshëm dhe një ndeshje vendimtare. E rëndësishme është që të mos humbasim, pastaj shpresoj që Calhanoglu të përsërisë vetveten”, deklaroi Bastoni.
Talenti italian ka deklaruar se nuk do të luante kurrë për rivalin lokal, Milanin.
“Çdo lojtar bën zgjedhje, por për sa më përket mua nuk ka as 0.1 përqind mundësi që të mund të shkoj tej Milani”, tha Bastoni.
Pas 23 xhirove në Serie A, Inter zë vendin e parë në tabelë me 53 pikë, katër më shumë se Milani. /Telegrafi/