Kampionati anglez, Liga Premier tani ka një hero të ri dhe ai është mesfushori anglez, Gareth Barry, i cili është bërë lojtari me më shumë paraqitje në histori të kampionatit.
Gareth Barry ka shkruar historinë në futbollin anglez apo më saktë në kampionatin anglez, Ligën Premier.
Kjo pasi, mesfushori anglez është bërë lojtari me më së shumti paraqitje në histori të kampionatit anglez.
Barry, për tu bërë lojtari me më së shumti paraqitje në histori të Ligës Premier u desh të arrijë shifrën e pabesueshme të 633 ndeshjeve.
Rekordin prej 632 ndeshjeve e mbante deri më tani legjenda e Manchester Unitedit, Ryan Giggs, i cili tani mbetet në vendin e dytë.
Ndërsa, vendi i tretë është i rezervuar për ish-kapitenin anglez të Chelseat, Frank Lampard, i cili ka zhvilluar 609 ndeshje.
Thyerje e rekordit nga ana e anglezit erdhi në ndeshjen e sotme (e hënë) të skaudrës së tij West Bromwich Albion ndaj Arsenalit, e vlefshme për javën e gjashtë të Ligës Premier.
Mesfushori anglez në të kaluarën ka luajtur edhe për skuadra tjera të mëdha angleze si Aston Villa, Manchester City dhe Everton. /Telegrafi/
