Ndryshimi i masës së paraburgimit në arrest shtëpiak për ish policin, Dejan Pantiq ka bërë që të ndryshoj situata në veri të vendit. 13-të barrikadat e vendosura në veri të Kosovës pritet që të largohen të enjten, eventualisht deri të premten.
Telegrafi do ju sjell pamje nga barrikada në fshatin Rudar, tek ura e re në afërsi të “Kërshit të Dudës” dhe tek shkolla teknike.
Po ashtu në vendin e ngjarjes janë duke qëndruar edhe KFOR-i italian.
Ndryshe, vendosja e barrikadave në veri të vendit ka hyrë në ditën e 20, e të cilat janë vendosur nga grupet kriminale të cilët veprojnë në veri të Kosovës, pas arrestimit të ish policit Dejan Pantiq, i dyshuar për sulm ndaj institucioneve të Kosovës, saktësisht zyrave të KQZ në veri të vendit. /Telegrafi/
