Luis Enrique ka insistuar se Barcelona do të fitojë trofe edhe pa Lionel Messin, derisa argjentinasi shkaktoi një rrëmujë në ditët e fundit.
Argjentinasi e dorëzoi letrën për largim nga klubi katalunas, mirëpo para pak ditësh ndërroi mendje dhe do të qëndrojë së paku edhe për një vit.
“Klubi është mbi individët, lojtarët dhe presidentët. Barcelona është themeluar në vitin 1899 dhe është njëri ndër më të mirët në botë. Ata gjithmonë kanë fituar tituj”, ka thënë Enrique.
“Herët apo vonë Messi do të ndalojë së luajturi futboll edhe atëherë Barca do të fitojë tituj, pa Mesin”.
“Ai do të jetë një lojtar i mrekullueshëm, mirëpo askush nuk mund të ndikojë në historinë e madhe te një klubi”, ka shtuar më tej trajneri i kombëtares së Spanjës.
Messi ishte afër kalimit te Manchester City, mirëpo familja e tij ndikoi që ai mos të largohej nga Camp Nou. /Telegrafi/