Mediat franceze raportojnë se Barcelona është në kërkim të dyshes së talentuar të Nice, Malang Sarr dhe Jean Michael Seri.
19-vjeçari Sarr – i cili ka një klauzolë lirimi prej 40 milionë euro në kontratën e tij – e ka vendosur veten si një titullar në skuadrën Francës U-21 dhe shpejt u bë një titullar fiks edhe te Nice, duke bërë 52 paraqitje që nga fillimi i sezonit të kaluar .
Duke lindur në Nisë dhe pjesë e akademisë së klubit që kur ishte 5 vjeç, mbrojtësi, i cili është me prejardhje senegaleze, nënshkroi kontratën e tij të parë profesionale në nëntor të vitit 2016.
Sipas mediumit francez SFR Sport, gjiganti katalunas ka qenë duke e ndjekur mbrojtësin e ri që një kohë të gjatë.
Por, Sarr nuk është i vetmi, pasi Barcelona po ndje edhe shokun e tij të Nice, reprezentuesin e Bregut të Fildishtë, Seri.
Spekulimet në mediat spanjolle në afatin kalimtar të transferimeve të verës e kishin lidhur mesfushorin qendror me një lëvizje në Camp Nou, por asnjë marrëveshje nuk u realizua.
Skautët thuhet se kanë qenë në stadium kur Nice u mposht në shtëpi 3-2 kundër Lokomotiv Moskës të enjten në Ligën e Evropës.
Chelsea dhe Manchester United gjithashtu thuhet se po monitorojnë situatën e të dy lojtarëve të skuadrës franceze. /Telegrafi/