Braziliani i Liverpoolit po kërkohet me ngulm nga skuadra katalanase.
Barcelona është duke e bërë gati ofertën për yllin e Liverpoolit, Philippe Coutinho. Reprezentuesi brazilian është objektivi kryesor i Barcelonës për afatin kalimtar të kësaj vere.
Sipas të përditshmes sportive katalanase, Sport, Barça tashmë ka bërë gati 60 milionë euro për ish-futbollistin e Interit.
Një faktor kyç në transferimin e Coutinhos në Camp Nou mund të jetë bashkëkombësi i tij Neymar, i cili disa herë ka deklaruar që do të dëshironte të luante bashkë me Coutinhon në një ekip.