Barcelona thuhet se ka shpresa për të mposhtur Sevillën në garë për të transferuar këtë verë lojtarin e talentuar rumun, Ianis Hagi.
20-vjeçari luan për skuadrën kombëtare U-21 të Rumanisë në kampionatin aktual evropian – duke ndihmuar ekipin për të kaluar në gjysmëfinale.
Sipas mediumit Diario Sport, gjigantët katalunas janë të bindur nga talenti i Hagit dhe mund të paguajnë tetë milion euro për të siguruar nënshkrimin e lojtarit.
Ai është djali i ish-yllit të Real Madridit dhe Barcelonës, Gheorghe Hagi – ndoshta lojtari më i madh në historinë e futbollit rumun – dhe babai i tij është aktualisht menaxher i tij tek skuadra rumune Viitorul Constanta.
Gheorghe u konsiderua si një nga lojtarët kryesorë të futbollit evropian gjatë viteve 1980 dhe 1990, derisa djali i tij luan në një pozitë të ngjashme si mesfushori-sulmues dhe duket teknikisht i talentuar.
“I thashë atij të zgjidhte Sevillën, sepse ai do të bënte mirë”.
“Në fakt, futbolli spanjoll është ideal për futbollistët rumun, do të shohim nëse ai do të dëgjojë këshillën time” ka thënë trajneri i ekipit të tij kombëtar, Cosmin Contra, për mediumin Fanatik.
Hagi shënoi 14 gola në sezonin e kaluar për klubin e tij, ndërsa më parë ka qenë edhe lojtar i klubit italian Fiorentina. /Telegrafi/
