Barcelona është gjithnjë e më afër për t’i siguruar shërbimet e sulmuesit spanjoll, Nico Williams.
Sipas Sport, Barcelona ka rënë dakord për kushtet personale me sulmuesin e Athletic Bilbao, Nico Williams në mes të fushatës së Euro 2024.
Blaugranët u takuan me agjentin e tij Felix Tainta dhe ishin në gjendje të finalizonin kohëzgjatjen e kontratës së tij dhe pagat e mundshme në takim.
Por tani Barça përballet me detyrën e vështirë për të rënë dakord për një marrëveshje me Athletic Bilbao për transferimin e anësorit të tyre.
Ai ka një klauzolë lirimi prej 58 milionë euro të futur në kontratën e tij, e cila duhet të paguhet plotësisht.
Të paguajnë kaq shumë me një lëvizje është e vështirë për Blaugranët për shkak të çështjeve financiare. Ata do të shikojnë të negociojnë me Bilbaon për të paguar ndoshta një tarifë më të ulët në disa rata.
Williams ka njoftuar klubin se nuk do t’i presë përgjithmonë. Ai e ka paralajmëruar Barçën se marrëveshja mund të dështojë nëse nuk mund ta bien dakord para javës së parë të gushtit.
21-vjeçari po shijon një sezon pjellor në Euro 2024 me Spanjën, pasi ka shënuar një gol dhe ka dhënë një asistim në pesë paraqitje. /Telegrafi/