Philippe Coutinho do të rikthehet te Barcelona pas një viti huazim te Bayern Munichu.
Kampionët në fuqi të Gjermanisë nuk e kanë ndërmend ta blejnë lojtarin, e ardhmja e të cilit duket në Angli.
Chelsea, Arsenal dhe Tottenham Hotspur janë skuadrat e interesuara për rikthimin e brazilianit në elitën e futbollit anglez.
Barcelona kërkon 80 milionë euro për ta lënë të lirë lojtarin, por dëshira e tyre është të përfitojë një top lojtar nga kampionati anglez.
Katalunasit ia kanë ofruar brazilianin Arsenalit, por që në këmbim të Coutinhos duan shërbimet e yllit të së ardhmes së Topçinjve, Gabriel Martinelli.
18-vjeçari është zbulimi i këtij sezoni te Arsenali ku ka shënuar 10 gola dhe ka bërë katër asistime.
Gjithsesi përveç talentit të madh brazilian, Barcelona synon të fitojë edhe një shumë prej 40 milionë eurove nga Arsenali për Coutinhon.
Londinezët e vlerësojnë shumë Martinellin dhe vështirë se do të pranonin një largim të tij nga Emirates Stadium. /Telegrafi/