Një tjetër trofe për Barcelonën pas La Ligas dhe Kupës së Mbretit.
Katalunasi tani fituan edhe Superkupën e Spanjës ndaj Sevillas (finaliste nga Kupa e Mbretit) me rezultat 1-2.
Ishte skuadra e Pablo Machin që shënoi e parë nëpërmjet Pablo Sarabia (10′).
Barcelona ishte dukshëm më e mirë, por për goli i barazimit erdhi vetëm në minutën e 42-të, autor ishte Gerard Pique.
Në pjesën e dytë kishte raste nga të dy anët, por më të rrezikshëm ishin lojtarët e Barçs.
Goli i fitores për skuadrën e Ernesto Valverde erdhi nga Ousmane Dembele në minutën e 79-të.
Në minutat shtesë u akordua penallti për Sevillan pas një ndërhyrje të palejuar në zonë nga Marc-Andre ter Stegen, por ishte gjermani ai që pastaj e rregulloi gabimin duke mbrojtur gjuajtjen e Wissam Ben Yedder nga pika e bardhë.
Vlen të theksohet se finalja e Superkupës së Spanjës u zhvillua në Maroku, ndërsa kjo ishte hera e parë që një finale e kësaj zhvillohet jashtë Spanjës dhe atë me një ndeshje.
Kjo ishte hera e 13-të për Barcelonën që fiton këtë trofe në histori, tri më shumë se Real Madridi. /Telegrafi/
SUPER CUP CHAMPIONS!!!! 🏆
⏰ Final whistle in Tangier!
Sevilla FC 1-2 FC Barcelona
⚽ Sarabia / Piqué & Dembélé
🔵🔴 #SupercopaBarça pic.twitter.com/5rjUu1M6fz— FC Barcelona (@FCBarcelona) August 12, 2018