Tashme që zia ka kaluar, siç e quajtën periudhën post – Neymar fansat ironike te Barcelonës, duket se blaugranat po i rikthehen jetës duke filluar me festen e titullit Gamper dhe me projektin e ri për sezonin 2017-2018.
Siç raporton e përditshmja El MundoDeportivo, një delegacion i katalanasve tashme ndodhet ne Angli, për të biseduar me drejtuesit e Liverpoolit transferimin e mundshëm te Philipe Coutinhos ne Spanje.
Me 13 gola të realizuar sezonin e shkuar në Ligën Premier, pavarësisht një dëmtimi të pësuar, braziliani plotëson kriteret për të qenë zëvendësuesi ideal i Neymar te klubi spanjoll.
Pengesa e parë që haset ne këto tratativa është pikërisht rezistenca që duket se Liverpoooli dhe trajneri Jurgen Kloop do t’i bëjnë kësaj oferte, por dëshira e lojtarit si dhe shifrat e larta që shtrohen në tavoline mund të zgjidhin gjithçka.
Barcelona është gati të paguajë 120 milionë euro për Cotinhon që siç ka deklaruar, do te ishte i lumtur të luante në Camp Nou, ndaj orët në vijim mund të sjellin lajmin zyrtar të transferimit të tij. /SS/