Ever Banega i kërkoi falje Antonio Conte pasi ishte tallur me trajnerin italian gjatë finales së Ligës së Evropës midis Sevillas dhe Interit.
Pas pesë sezonesh me ekipin e La Ligas, ish-mesfushori argjentinas i Interit i dha lamtumirën e tij ekipit të Sevillas për t’u transferuar në Al-Shabab.
Dhe gjatë konferencës për shtyp, ai i kërkoi falje trajnerit të Nerazzurriëve pas një grindjeje të shëmtuar midis të dyve gjatë finales së Ligës së Evropës.
Banega e kishte pyetur Conten nëse e kishte parukën e vërtetë dhe kjo kishte nxitur një përplasje verbale mes dyve.
Banega to Conte: “Is that real hair or a wig?”pic.twitter.com/7XwPfibhS8
— Troll Football Media (@Troll__Footbal) August 22, 2020
“Ishte një moment nxehtësie. Unë i kërkoj falje Contes, nëse ai ishte i shqetësuar nga ajo që unë bëra”, ka thënë Banega.
32-vjeçari kaloi një sezon në Giuseppe Meazza para se të bashkohej përsëri me Sevillan në vitin 2017 dhe ish-përfaqësuesi i Argjentinës kontribuoi me gjashtë gola dhe shtatë asistime gjatë kohës së tij me Inter. /Telegrafi/