Hip hop “labeli” më i madh shqiptar, Babastars, ka konfirmuar në mënyrë të jashtëzakonshme lansimin e një albumi të madh të përbashkët.
Lajmi i madh vjen nga faqja zyrtare e Babastars, që ka kohë që ka qëndruar aspak aktive.
Nuk dihet nëse Babastars ka mungesë të menaxherëve dhe njerëzve që merren me marrëdhëniet me publikun, por tash duket se erdhi lajmi i madh i shumëpritur për adhuruesit e këtij “labeli”.
“Eshtë koha për albumin e Babastars”, shkruan në një njoftim të shkurtër në faqen zyrtare të “labelit”, transmeton Telegrafi.
Po i njëjti njoftim është shpërndarë edhe në faqen zyrtare të Cozman, njërit prej antarëve të Babastars, që konfirmon vërtetësinë e kësaj informate.
Sipas burimeve të Telegrafit albumii Babastars do të përfshijë të gjithë antarët e “labelit”, ku hitet me të mëdha të kohës, ashtu sikurse edhe projektet e reja të mëdha që do të publikohen do të përfshihen në këtë album.
Telegrafi mëson se ky album kady vjet që është në planet e Getoar Selimit, njeriut kryesor që vendos për strategjinë e “labelit” dhe që i jep kahje secilës gjë që kalon nëpër “labelin” e Babastars.
Pas këtij albumi parashihet që të publikohet edhe albumi solo i Getoar Selimi, dhe të gjitha këto projekte sipas burimeve të Telegrafit do të lansohen në të ardhmen e afërt.
Mbetet të shihen cilat do të jenë konfirmimet e reja nga hip hop “labeli” i madh shqiptar. /Telegrafi/
