Babai i Neymarit ka konfirmuar se nuk ka asnjë gjasë që djali i tij të kalojë te Real Madridi.
Wagner Ribeiro, një prej përfaqësuesve të Neymarit, potencoi javën e kaluar se janë tri klube të gatshme për të paguar klauzolën e lojtarit.
Por, babai i Neymar hedhë poshtë mundësinë që lojtari të largohet nga klubi mbretëror.
“Pronarja e Neymar është Barcelona. Cila do ofertë që vjen duhet të shkojë nëpërmjet Barcelonës”.
“Ne nuk duhet të flasim për këtë, sepse Neymar ka kontartë dhe klubi di të gjitha”.
“Spekulimet janë të mëdha dhe është e qartë që Neymar është gjithmonë i involvuar. Tifozët e dinë se shumë klube janë të interesuara, por kjo nuk do të thotë se ne po flasim me dikë, ose po mendojmë ndonjë gjë”.
LIVE: Transferimet minut mas minute të gjitha spekulimet dhe zyrtarizimet
“Tifozët tashmë kanë folur më shumë se 10 mijë herë për djalin tim, plus Neymar ka kontratë me Barcelonën dhe ka dy vite tjera të mbetura në kontratë”.
“Ai duhet të përmbushë kontratën me Barcelonën. Neymar është i lumtur këtu, por spekulimet po vazhdojnë dhe do të vazhdojnë, e tifozët duhet të mësohen me këtë”.
“Mundësia që Neymar të shkojë te Reali është zero. Respektoj agjentin e tij Ëagnerin shumë, por përpos meje, i vetmi person që mund të flasë për karrierën e Neymar është vet djali im”.
“Ne e dimë se Wagner punon edhe me lojtarë të tjerë të mëdhenj si Lucas Lima etj”, potencoi babai i Neymar. /Telegrafi/