Reperi i njohur Capital T është një prej reperëve më unikë të tregut muzikor shqiptar.
Vetëm pak javë më parë ai solli ‘mixtape-in’ e tij më të ri “Winter is coming”, i cili u prit mirë nga fansat dhe ka shënuar shifra të larta shitjesh.
Gjatë sezonës së verës ai ka qenë një prej reperëve më të kërkuar nga publiku nëpër koncerte.
I gjithë ky sukses po vuloset edhe me vlerësimet që merr nga emrat e njohur, siç ka ndodhur në një rast së fundmi.
Ka qenë Dennis Graham, babai i reperit të famshëm mbarëbotëror Drake, ai i cili ka publikuar në llogarinë e tij personale në Instagram një fotografi që promovon koncertin e radhës të reperit shqiptar që do ta mbajë më 10 nëntor në Florida.
“Përgëzime për mikun tim Capital T, që e ka kall lojën në Shqipëri. Po t’shoh ty Capital T dhe po ta ruaj shpinën këtu në Shtetet e Bashkuara të Amerikës” (sic.), ka shkruar babai i Drake për Capital T. /Telegrafi/