Kapiteni i Chelseat, Cesar Azpilicueta u përfshi në një shkëmbim fjalësh plot zemërim me tifozët e tij pas humbjes 4-2 në derbi ndaj Arsenalit të mërkurën mbrëma – dhe pamjet nga tribunat janë bërë virale tashmë në internet.
Blutë e Londrës u befasuan në Stamford Bridge duke humbur derbin e madh lokal ndaj Arsenalit në kuadër të ndeshjes së mbetur nga xhiro e 25-të.
Golat në këtë ndeshje u shënuan nga Timo Werner (17’) dhe Azpilicueta (32’) për vendasit, ndërsa Eddie Nketiah (13’, 57’), Emil Smith-Rowe (27’) dhe Bukayo Saka (90+) për mysafirët.
Kjo humbje la shije të hidhur te tifozët vendas, të cilët nuk i ndalen kritikat dhe patën edhe një konfrontim verbal me kapitenin e Bluve, Azpilicueta.
Pas vërshëllimës së fundit të gjyqtarit, mbrojtësi spanjoll po ecte drejt tribunës perëndimore të Stamford Bridge kur vuri re një tifoz i cili dukej se po bënte një gjest drejt tij.
César Azpilicueta approaches Chelsea fans following their 4-2 defeat to Arsenal 😳 pic.twitter.com/cmeOjwcZvA
— Sky Sports Premier League (@SkySportsPL) April 20, 2022
Azpilicueta, në cilësinë e kapitenit, më pas shkoi drejt tifozit për t’u përballur me të dhe konfrontimi verbal nuk ishte aq i lehtë.
Pamjet e kësaj përballje sqaruese janë bërë virale tashmë në rrjetet sociale. /Telegrafi/
Azpilicueta beefing his own fans at FT 💀💀💀 pic.twitter.com/kuG1Xfw0Y4
— TEJ (@sartejt) April 20, 2022