Avokati i Organizatës së Veteranëve të Luftës të Ushtrisë Çlirimtare të Kosovës (OVL-UÇK), Tomë Gashi ka treguar se pse sot Gjykata Speciale nuk ia ka dhënë pajisjet që i kishte konfiskuar para gjashtë muajsh në zyrat e OVL-UÇK-së.
Gashi përmes në konference për media ka thënë se me një kërkesë të veçantë kanë kërkuar nga Specialja që të tregojnë se çfarë konkretisht kanë gjetur në pajisjet e konfiskuara, mirëpo siç tha ai, kjo kërkesë e tyre mund të jetë dhe arsyeja e mos dhënies së këtyre pajisjeve, transmeton Telegrafi.
“Me autorizim të veçantë kam shkuar dhe i kam kërkuar, mirëpo një deklaratë e hetuesit, për arsye logjistike ata nuk mund ta bëjnë këtë. Me një kërkesë të veçantë kemi kërkuar që ata të na japin një sqarim se çfarë kanë gjet në pajisjet që na kanë marrë, dhe mendojmë që kjo ishte arsyeja se pse nuk na janë dhënë pajisjet për të cilat na kërkuan vet që të shkojmë t’i marrim”, ka thënë Gashi.
Ndërsa, ushtruesi i detyrës së kryetarit të OVL-UÇK-së Faton Klinaku ri përsëriti se me veprimin e sotshëm Gjykata Speciale përves që është politike dhe e paligjshme ajo ka treguar dhe jo seriozitet.
“Gjykata Speciale është politike, e paligjshme, e skaduar e që i ka dal afati kushtetues, tash ata po tregojnë që janë jo serioz”, ka thënë Klinaku.
