Për shkak të cilësisë së dobët të kujdesit mjekësor dhe hezitimit të komandës ruse për të evakuuar të plagosurit rëndë në Rusi, vdekshmëria mes tyre kalon 50 për qind, njoftoi Shtabi i Përgjithshëm i Forcave të Armatosura të Ukrainës.
Shtabi i Përgjithshëm njofton se, sipas informacioneve të disponueshme, një numër i madh i të plagosurve po shtrohen në objektet mjekësore në territoret e pushtuara përkohësisht të Ukrainës.
Këtë javë, rreth 100 persona të plagosur u pranuan në një nga spitalet në Donetsk.
Spitalet janë të mbipopulluara në qytetin Tokmak, rajoni i Zaporozhzhias.
Sipas informacioneve nga banorët vendas, civilët nuk pranohen në spitale për shkak se mjekët janë të mbingarkuar dhe ka mungesë të shtretërve spitalorë.
“Për shkak të cilësisë së dobët të ndihmës mjekësore dhe refuzimit të komandës së forcave pushtuese ruse për të evakuuar të plagosurit rëndë në Rusi, shkalla e vdekshmërisë në mesin e personelit të tyre ushtarak të plagosur kalon 50 për qind”, thuhet në njoftimin e Shtabit të Përgjithshëm. /Telegrafi/