Shërbimi shtetëror i komunikimit i Ukrainës ka raportuar shpërthime të forta në kryeqytetin Kiev dhe qytetin e dytë Kharkiv, ndërsa luftimet për qytetet kryesore vazhduan edhe gjatë natës.
Ndërkohë, siç raportojnë mediat e huaja, përcjell Telegrafi, një raketë ka goditur një ndërtesë banimi në qytetin Chernihiv në Ukrainën veriore.
Si pasojë, dy nga katet e poshtme të ndërtesës janë përfshirë nga flakët.
❗A rocket hit a residential building in the center of Chernigov, two lower floors caught fire, the number of injured is still unknown. pic.twitter.com/gEzFXjZ2IS
— NEXTA (@nexta_tv) February 28, 2022
Alarmet për sulm ajror u dëgjuan më herët gjatë natës në Chernihiv, duke i dërguar banorët në strehimore.
E Shërbimi Shtetëror i Ukrainës për Emergjencat ka publikuar disa pamje në të cilat tregohen pasojat e granatimeve në Chernihiv.
“Ky është Chernihiv sot. Pasojat e granatimeve të pushtuesve rusë. Njësitë e SES po punojnë në vendngjarje”, thuhet në përshkrimin e pamjeve.
Це Чернігів сьогодні.
Наслідки обстрілів російських окупантів.
На місці працюють підрозділи ДСНС. pic.twitter.com/Bjnq4eyDRL
— DSNS.GOV.UA (@SESU_UA) February 28, 2022
Ndryshe, delegacioni ukrainas ka mbërritur në zonën në kufirin ukrainas-bjellorusi për bisedime me Rusinë dhe tanimë bisedimet kanë filluar.
Presidenti i Ukrainës, Volodymyr Zelensky nuk është pjesë e delegacionit.
Bjellorusia ka thënë më herët se ka përgatitur një vend për të pritur delegacionet ukrainase dhe ruse, pasi agresioni i Moskës ndaj fqinjit të saj perëndimor gjendet në ditën e pestë. /Telegrafi/