Zyrtarisht është formuar një koalicion për trajnimin e pilotëve ukrainas për aeroplanët luftarakë perëndimorë F-16.
Ministri ukrainas i Mbrojtjes, Oleksiy Reznikov, i cili arriti sot në Vilnius për samitin e NATO-s, njoftoi pak më parë në Twitter se së shpejti do të fillojnë ushtrimet për pilotët ukrainas.
“Është zyrtare, është formuar një koalicion për trajnimin e pilotëve të Forcave Ajrore të Ukrainës në aeroplanët F-16! Sot, 11 vende partnere dhe Ukraina nënshkruan një memorandum që përcakton kushtet e stërvitjes”, tha Reznikov.
“I jam veçanërisht mirënjohës Danimarkës dhe Holandës për lidershipin e tyre të jashtëzakonshëm në këtë proces. Pilotët, teknikët dhe personeli tjetër ukrainas do të marrin pjesë në programin e trajnimit. Ekziston edhe mundësia që në program të marrin pjesë edhe lloje të tjera avionësh. Koalicioni është gati të shqyrtojë mënyra të tjera për të mundësuar aftësinë e F-16 plotësisht funksionale”, tha Reznikov.
Kujtojmë se Shtetet e Bashkuara kanë licencën e prodhimit të këtyre aeroplanëve dhe aktualisht janë kundër dërgimit të tyre në Ukrainë.
SHBA-ja ka deklaruar se aktualisht forcat ukrainase nuk kanë nevojë për këtë lloj armatimi pasi që po furnizohen me armë të tjera duke përfshirë tanke dhe predha të ndryshme. /Telegrafi/
It’s official: a coalition for F-16 training of the Ukrainian Air Force has been formed!
Today, 11 partner states + Ukraine signed a Memorandum outlining the terms. I’m especially grateful to Denmark and the Netherlands for their outstanding leadership in this process.… pic.twitter.com/ea1oxljX9I— Oleksii Reznikov (@oleksiireznikov) July 11, 2023