Si pasojë e një aksidenti që ka ndodhur sot rreth orës 17:00 në Batllavë, tre persona kanë mbetur të lënduar.
Rastin e ka bërë të ditur zëdhënësja e policisë për Rajonin e Prishtinës, Flora Ahmeti.
Ajo ka thënë se shoferi i automjetit ka humbur kontrollin dhe vetura ka dalë nga rruga.
“Sot rreth orës 17:00 në fshatin Batllavë ka ndodhë një aksident trafiku. Në aksident ka qenë i përshirë një automjet në lëvizje, i cili për shkaqe akoma të panjohura ka humbë kontrollin dhe ka dalë nga rruga. Tre persona kanë pësuar lëndime trupore”.
Të lënduarit janë dërguar për trajtim mjekësor.
“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij vetë aksidenti”, tha Ahmeti.