Një ditë më parë, SpaceX dërgoi katër astronautë të NASA-s në një fluturim në Stacionin Hapësinor Ndërkombëtar (ISS), dhe ata arritën atje sot.
Kapsula SpaceX Crew Dragon me katër astronautë – tre amerikanë dhe një japonez – zbarkoi në ISS 27 orë pasi u lëshua nga qendra Cape Canaveral e NASA-s në Florida, transmeton Telegrafi.
Docking confirmed – Crew Dragon has arrived at the @space_station!
— SpaceX (@SpaceX) November 17, 2020
Kur u lidhën, SpaceX Dragon dhe ISS udhëtuan me të njëjtën shpejtësi prej rreth 27,350 km / orë.
Stacioni hapësinor, një laborator orbital i vendosur rreth 400 kilometra mbi Tokë, do të jetë shtëpia e tyre për gjashtë muajt e ardhshëm.
The hatches are open and NASA's @SpaceX Crew-1 astronauts Shannon Walker, @Astro_Soichi, @AstroVicGlover, and @Astro_illini are the newest residents aboard the @Space_Station. Welcome aboard! pic.twitter.com/WYwC7jRVQk
— NASA (@NASA) November 17, 2020
Kreu i NASA-s për udhëtimet në hapësirë, Kathy Lueders, tha se ishte krenare për astronautët.
Në ekuipazh përfshihen komandanti Mike Hopkins dhe dy astronautë të NASA-s: piloti i misionit Victor Glover dhe fizikanti Shannon Walker. Ata u bashkuan me astronautin japonez Soichi Noguchi, të cilit ky është udhëtimi i tij i tretë në hapësirë pasi më parë fluturoi me anijen amerikane në vitin 2005 dhe Soyuz në vitin 2009.
Një astronaut amerikan dhe dy kozmonautë rusë kanë qenë në stacionin hapësinor që nga misioni i mëparshëm. /Telegrafi/