Ashley Graham u ndje në siklet në ceremoninë e së dielës në “Oscars” duke qenë se ishte në rolin e prezantueses.
Modelja intervistoi një sërë yjesh të famshëm në mesin e tyre edhe aktorin Hugh Grant.
Ajo pati një përgjigje epike kur u pyet nëse ishte ‘ofenduar’ me përgjigjet e ftohta që aktori ia dha, ndërsa realizoi një intervistë të shkurtër me të në tapetin e kuq të “Oscars”.
“E dini çfarë, nëna ime më ka thënë t’i vras njerëzit me mirësi, kështu që kjo është”, tha Graham për TMZ të hënën.
Graham nuk e shtjelloi më tej momentin e tmerrshëm.
Megjithatë, ajo theksoi se kaloi një kohë të mrekullueshme duke intervistuar artistë të mëdhenj të Hollywoodit në kuadër të ABC para “Oscars”.
Gjatë 24 orëve të fundit, Hugh ka marrë një reagim të ashpër nga përdoruesit e rrjeteve sociale për përgjigjet e tij jo entuziaste ndaj pyetjeve të Graham.
Gjatë ndërveprimit, i cili zgjati më pak se dy minuta, Graham i bëri aktorit të “Love Actually” një sërë pyetjesh tipike që dikush do t’i bënte në një shfaqje çmimesh.
Kur u pyet se ‘çfarë lloj kostumi’ kishte veshur, Grant u përgjigj hapur se ishte ‘vetëm’ kostumi i tij nga një ‘rrobaqepës’ pa emër.
Ai gjithashtu tha se nuk ‘ka ndonjë emër të veçantë’ në mendje që do të donte të fitonte të dielën mbrëma.
Pavarësisht se pati një takim të vështirë me Grantin, Graham ende dukej se e shijonte kohën e saj në ceremoninë vjetore të çmimeve. /Telegrafi/