Këngëtarja e njohur, Arta Bajrami po i rikthehet fuqishëm muzikës.
Kështu ka njoftuar vetë artistja përmes një postimi që ka bërë në llogarinë e saj në Instagram.
Arta ka zbuluar se ajo nuk po rikthehet me një këngë, por me një album muzikor që mban titullin “038”.
Këtë ajo e bëri të ditur në një fotografi ku shihet e veshur e tëra në të zeza teksa dukej në formë të mirë dhe tejet atraktive.
“038” albumi po vjen së shpejti”, ka shkruar këngëtarja në mbishkrimin e postimit.
Mbetet të shihet se çfarë ka përgatitur këtë herë këngëtarja e cila prej vitesh ka qëndruar larg angazhimeve muzikore.
Kujtojmë që kënga e fundit e Artës është “Ai nuk ka faj” që e solli në nëntor të vitit të kaluar të shoqëruar me videoklip. /Telegrafi/
