Këngëtarja e njohur shqiptare, Arta Bajrami, së fundmi ka ironizuar me të gjithë estradën shqiptare.
Një gjë e tillë ka ardhur pas lansimit të këngës “Bang” nga Rita Ora, e cila në kanalin YouTube ka arritur mbi 200 mijë klikime.
Ani pse ajo renditet si kënga më e dëgjuar në Angli, ende nuk i ka arritur një milion klikime.
Përmes kësaj, në një postim në rrjetin social Instagram, Arta ka thënë se Ritës i duhet të vijë në Kosovë, për të arritur atë shifër.
“Po më dhimbset Rita Ora që e ka marrë veten në qafë me famë botërore. Për të bërë një milion klikime për 24 ora duhet të vish në Kosovë ose Shqipëri”, ka shkruar ajo.
Po i njëjti shkrim përkon me shumë artistë shqiptarë, të cilët brenda ditës arrijnë me miliona shikueshmëri.
Kjo sipas Bajramit, lë të nënkuptohet se të njëjtat vijueshmëri nuk janë të vërteta në industrinë muzikore në Kosovë apo Shqipëri. /Telegrafi/
