Julian Draxler duket se do të jetë lojtari më i kërkuar në ditët e fundit të afatit kalimtar veror.
Ylli gjerman nuk po kalon periudhë të mirë te PSG dhe mund të largohet nga klubi aktual.
Edhe pse agjenti i lojtarit ditë më parë deklaroi se Draxler do të mbetet në Paris, skuadrat e mëdha evropiane po tentojnë transferimin e tij.
Është gjiganti anglez, Arsenal që po insiston për transferimin e gjermanit në Londër.
E përditshmja franceze L’Equipe ka shkruar se ‘Topçinjtë’, kanë bërë një tjetër ofertë për Draxlerin.
Arsenal ka dërguar ofertë të lartë prej 50 milionë eurove për 23-vjeçarin.
Ish-anëtari i Wolfsburg dhe Schalke 04 po kërkohet me ngulm edhe nga gjiganti gjerman Borussia Dortmund. /Telegrafi/