Issa Diop mund të ndërrojë skuadër në verë, por jo edhe kampionat pasi ka oferta nga klubet e mëdha të Ligës Premier.
Arsenali së fundmi i është bashkuar garës së bashku me Manchester Unitedin për t’i siguruar shërbimet e mbrojtësit francez.
Topçinjtë kanë pasur probleme me mbrojtjen këtë edicion dhe trajneri Mikel Arteta e sheh Diopin si mbrojtësin ideal për skuadrën e tij.
23-vjeçari francez ka pasur paraqitje fantastike këtë edicion në elitën e futbollit anglez me fanellën e West Ham.
Javë më parë skuadra londineze e kishte refuzuar një ofertë të Manchesterit prej 47 milionë euro për yllin e tyre.
West Ham synon që nga shitja e francezit të fitojë së paku 60 milionë euro, por që këtë shumë nuk janë gati ta paguajnë Arsenal dhe United.
Diop ka shprehur gatishmërinë për tu larguar në drejtim të një skuadre më të madhe, por duhet që West Ham t’i ulë pretendimet për të që të ndodhë një gjë e tillë.
Francezi iu bashkua skuadrës londineze në verën e vitit 2018 nga Toulouse për 25 milionë euro, teksa ka kontratë me ‘Çekanët’ deri në verën e vitit 2023. /Telegrafi/