Sami Khedira duket se po e përfundon aventurën te Juventusi, pasi Maurizio Sarri nuk llogarit në shërbimet e mesfushorit gjerman.
Trajneri italian po mendon të bëjë një revolucion në mesfushën e Zonjës së Vjetër, derisa po tenton ta rikthejë Paul Pogban në Torino.
Nëse mesfushori francez kalon te Juventusi, atëherë 32-vjeçari Khedira do të largohet qysh në këtë afat kalimtar.
Calciomercato raporton se torinezët janë të gatshëm të heqin dorë nga 31-vjeçari, derisa Arsenali po tenton t’i marrë shërbimet e tij në këtë verë.
Një rol kyç në transferimin e gjermanit në Emirates Stadium mund të luajë edhe bashkëkombësi i tij, Mesut Ozil, që pritet ta bindë të kalojë në Londër.
Khedira kishte vështirësi në sezonin 2018/2019, pasi kishte disa lëndime dhe probleme me zemër, por edhe nuk arriti ta mposhte konkurrencën e Emre Can dhe Rodrigo Bentancur. /Telegrafi/