Youri Tielemans do të largohet nga Leicester City pas katër viteve qëndrim te skuadra angleze.
Mesfushori belg ka mbetur futbollist i lirë pasi kontrata me Leicesterin i ka skaduar.
Shumë skuadra janë vënë pas tij dhe Tielemans së shpejti do të vendos për të ardhmen e tij, pasi ofertat nuk mungojnë.
Mail Spot ka raportuar se Arsenali është duke përshpejtuar për të siguruar shërbimet e belgut, pasi kanë frikë se mund ta humbasin atë.
Drejtuesit e klubit londinez kanë pasur takim me agjentët e lojtarit duke i propozuar një kontratë katër vjeçare dhe me një pagë rreth katër milionë eurove në sezon.
Tielemans ka oferta edhe nga Roma, Borussia Dortmund, Atletico Madrid, Napoli dhe Galatasaray.
26-vjeçari këtë edicion ka zhvilluar 37 ndeshje zyrtare me Leicesterin, ku ka realizuar edhe katër gola dhe ka asistuar në dy të tjerë. /Telegrafi/