Arsenali ka bërë një ofertë në formë huazimi dyvjeçar për mbrojtësin e Juventusit, Daniele Rugani.
“Gazzetta dello Sport” shkruan sot se për londinezët kjo është hera e tretë që po e kërkojnë futbollistin e kampionit italian.
Arsenali kishte bërë ofertë të njëjtë në vitin 2015 dhe më pas në sezonin e kaluar gjersa tani thueht se drejtori sportiv i Topçinjve, i Raul Sanllehi ka përgatitur një ofertë të mirë për bardhezinjtë.
Rugani ka mbetur në stol për vite të tëra duke mos qenë partner i Giorgio Chiellinit dhe Leonardo Bonuccit, pavarësisht se u mendua si një nga perspektivat kryesore të Italisë.
Me ardhjen e Matthijs De Ligt, 25-vjeçarit i është zvogëluar hapësira dhe pritet që të largohet gjatë verës duke e marrë për bazë se sezonin e kaluar u paraqit vetëm 15 herë.
Ndryshe, mbrojtësi deri më tani ka pasur 69 paraqitje për Juventusin dhe ka shënuar gjashtë gola në të gjitha garat. /Telegrafi/