Portieri gjerman, Bernd Leno është gati për ta bërë hapin e madh në karrierë.
Pas paraqitjeve mjaftë të mira në kampionatin gjerman me Bayer Leverkusenin, për Lenon kanë ardhur disa oferta të rëndësishme.
Portieri i Kombëtares së Gjermanisë po kërkohet me ngulm nga Napoli që do të mbetet pa Pepe Reinan.
Skuadra italiane është e gatshme të shpenzojë deri në 20 milionë euro për transferimin e gjermanit.
Në garë për Lenon mbetet edhe gjiganti spanjoll Atletico Madrid që ka frikë se mund të mbetet pa Jan Oblakun.
Ndërkohë së fundmi garës për transferimin e Lenos iu është bashkangjitur edhe Arsenalit.
Topçinjtë po e shohin gjermanin si zëvendësuesin adekuat të Petr Cech që nuk ka treguar formë të mirë këtë edicion.
Leno ka kontratë me Bayer Leverkusenin deri në verën e vitit 2021. /Telegrafi/