Arsenali është kualifikuar në çerekfinale të EFL Cup (të njohur si Carabao Cup) pas fitores me penallti ndaj Liverpoolit (5-4), meqenëse koha e rregullt u mbyll pa gola.
Diogo Jota pati dy mundësi të mira në pjesën e parë, ndërsa një tjetër e pati edhe Takumi Minamino. Megjithatë, gjysma e para u mbyll pa gola.
Virgil van Dijk e testoi portierin Bernd Leno në fraksionin e dytë, ndërsa portieri i Topçinjve ia pamundësoi golin edhe Marko Grujicit.
Jota dhe Grujic vazhduan me shanset tjera, derisa për Arsenalin rrezikoi Rob Holding me një goditje me kokë që u ndal nga portieri i Redsave, Adrian.
Duke qenë se deri në mbyllje të 90 minutave nuk pati fitues, skuadra triumfuese u vendos me ekzekutimin e penalltive.
Pas ekzekutimit të njëmbëdhjetëmetërshave më të saktë u treguan lojtarët e Arsenalit që u kualifikuan në çerekfinale të EFL Cup. /Telegrafi/