Arsenali shpreson të sigurojë një marrëveshje për Dani Ceballos këtë verë, por ata nuk do të paguajnë çmimin e kërkuar të Real Madridit prej 40 milionë euro.
Spanjolli është rikthyer në ekipin e parë pas ardhjes së trajnerit Mikel Arteta në fillim të vitit 2019, dhe ai tani duket se është i vendosur të sigurojë një marrëveshje të përhershme në Emirates.
Marrëveshja aktuale e Ceballosit me Topçinjtë skadon në fund të sezonit, por Arteta dëshiron t’i japë një marrëveshje katër-vjeçare ish-yllit të Real Betisit.
Real Madridi është i hapur për marrëveshje, pasi Ceballos nuk ka gjasa të sigurojë një vend në ekipin e parë të Zinedine Zidane nëse ai do të kthehej në Spanjë.
Sidoqoftë, ata janë të prirur të gjenerojnë një fitim prej 18 milionë eurove që ata paguan për ta sjellë atë nga Estadio Benito Villamarin në vitin 2017.
Sipas mediumit britanik Daily Mirror, Los Blancos kanë i kanë treguar klubit nga Liga Premier se duhet të paguajnë 40 milionë euro për 23-vjeçarin.
Arsenali ka besim se do ta ulë këtë çmim në rreth 30 milionë euro në muajt e ardhshëm, me Ceballos që është i etur për të siguruar një marrëveshje.
Sidoqoftë, nëse Real Madridi nuk është i gatshëm të ulë çmimin e tyre, Valencia mund të futet në garë për të nënshkruar me mesfushorin, pasi tregoi interes gjatë afatit kalimtar të janarit. /Telegrafi/