Gjiganti anglez Arsenali po e shtyn Barcelonën të heqë dorë nga çmimi i kërkuar për mesfushorin e tyre portugez Andre Gomes.
Mesfushori portugez nuk bënë pjesë në planet e trajneri Ernesto Valverde për sezonin e ri.
Valverde nuk e ka ftuar fare portugezin në turneun e tyre para-sezonal dhe lojtari është tashmë në shitje nga Barcelona.
Sipas mediumit RAC1, Arsenal janë në bisedime me Barcelonën mbi një transferim të mundshëm për mesfushorin Gomes.
Por, Topçinjtë hezitojnë të paguajnë çmimin e kërkuar prej 26.8 milionë funtesh apo 30 milionë eurosh për reprezentuesin portugez.
Gomes ka luftuar për të siguruar një vend titullari në Camp Nou dhe ka një numër të madh skuadrash të interesuara për të nënshkruar me të përpara sezonin të ri.
Arsenali ka ofruar një huazim gjatë një sezoni me mundësinë që marrëveshja të bëhet e përhershme.
Edhe Gomes supozohet të jetë i gatshëm të kalojë në Emirates Stadium nën urdhrat e Unai Emery. /Telegrafi/