Arsenal tani janë duke u lidhur me një ofertë për qendërmbrojtësin e Fiorentinas, italianin Davide Astori.
Tanimë është e njohur mirë se Topçinjtë janë duke kërkuar përforcime në mbrojtje, por Shkodran Mustafi i Valencia dhe Jose Gimenez i Atletico Madridit po konsiderohen si shumë të shtrenjtë.
Sipas Gazzamercato, Arsene Wenger ka kthyer fokusin e tij mbi mbrojtësin italian të Fiorentinas, Davide Astori.
Megjithatë, La Gazzetta dello Sport sugjeron se Fiorentina nuk e kanë ndërmend të shesin mbrojtësin edhe pas ardhjes së Sebastien De Maios nga Anderlecht.
29-vjeçari u bashkua nga Cagliari në vitin 2015, teksa pati edhe një huazim te Roma, ndërsa ka edhe 11 paraqitje me kombëtaren italiane. /Telegrafi/