Klubi londinez, Arsenali ka regjistruar interesim serioz për transferimin e sulmuesit të Manchester Unitedit, Marcus Rashford.
Reprezentuesi anglez ka duruar sezonin e tij më të keq si lojtar i Unitedit dhe po shqyrton të ardhmen e tij në Old Trafford.
Tashmë janë bërë plane për diskutime me menaxherin e ri Erik ten Hag gjatë verës për të sqaruar të ardhmen e tij.
Sipas faqes Football Insider, nëse Rashford deklaron qëllimin e tij për t’u larguar, Arsenali është gati të bëjë lëvizje.
Topçinjtë po përpiqen të nënshkruajnë me dy sulmues këtë verë, njëri prej të cilëve duhet të jetë në gjendje të luajë si anësor.
Rashford është i përshtatshëm në këtë drejtim dhe 24-vjeçari e ka dëshmuar tashmë veten në Ligën Premier.
Ai ka një kontratë që zgjat deri në verën e vitit 2023 dhe përfshin opsionin e zgjatjes për 12 muaj të tjerë. /Telegrafi/